注意未老先衰！

教你8個抗衰老秘訣！

衰老係自然又無可避免嘅過程，不過由於平時一啲不良習慣，會導致好多人未老先衰，身體提早「老化」。市面上有好多抗衰老補健品或藥物，功效參差，甚至有可能會出現副作用！想要抗衰老，其實只要改善生活習慣就可以。以下8大加速衰老嘅壞習慣，大家要注意喇！

1) 食煙：白髮、皺紋

食煙十分鐘會減少身體同皮膚接近一小時嘅供氧量，加速老化。吸煙仲會抑制保持皮膚彈性嘅骨膠原增生，尼古丁會令皮膚血管收縮，令面部皮膚出現鬆弛同皺紋。吸煙更加會導致頭髮枯黃同早年白髮，男性吸煙者早年禿頭嘅人數高出非吸煙者2倍，出現早年白髮都高出3至6倍！

2) 睡眠不足：爆瘡皮膚差

失眠除咗會令精神不足，仲會加速老化。肌膚喺晚上11點左右進入修復狀態，長期挨夜會打亂內分泌同神經系統，導致皮膚粗糙、失去彈性，面色變得黯淡無光，仲可能會爆發暗瘡。

3) 運動不足：影響免疫系統

適量運動可以預防同改善認知能力，仲可改善情緒。2019年一個德國研究發現，進行有氧耐力訓練及HIIT嘅參加者都享受到運動帶嚟嘅抗衰老功效；相反，冇運動嘅參加者就冇達到抗衰老效果。

4) 常飲含糖碳酸飲料：增中風風險

飲過多含糖碳酸飲品會加速端粒(telomere)縮短嘅速度，令細胞加速老化。另外，定期飲用含糖碳酸飲料仲會增加患糖尿病、心臟病同中風風險。每日飲20安士(約600ml)汽水，會令大腦細胞壽命縮短4.6年！

5) 冇適當減壓

壓力可改變腦部功能，減壓可以幫你預防認知障礙同保持大腦年輕。壓力產生嘅荷爾蒙仲會決定頭髮顏色嘅黑色素幹細胞離開毛囊，從而產生白髮。

6) 飲酒：皮膚乾、脂肪肝

隨住年紀增長，身體水分會自然流失，皮膚會變得愈來愈薄同愈來愈乾，而飲酒會令更多水分流失，更易造成缺水，令皮膚變得更乾。飲酒仲會令器官老化得更快，仲會令大腦受損，有機會導致認知障礙症。

7) 飲水不足：影響記憶力、情緒

水可以活化細胞、加速身體代謝同排毒。每天飲足夠水分，可以修復皮膚，顯得更後生。喝多啲水仲可以幫助降低血液黏稠度，減少血栓、高血壓同心血管疾病嘅發生率。

8) 唔防曬：皺紋色斑、白內障

雖然曬太陽可以吸收維他命D，但如果唔防曬就可能會曬傷皮膚、催生皺紋、導致皮膚提早老化，仲會增加患皮膚癌同白內障嘅風險。防曬有助預防因為紫外線侵害形成嘅皺紋、斑，失去彈性等等問題。

來源：綜合報導

#NH中年健康

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#抗衰老 #皺紋 #白髮 #脫髮 #戒煙 #色斑 #皮膚 #運動 #HIIT #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

Quick-Start身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG