一滴血！

幫你透視身體！

我哋體重入面有約8%係血液，流淌喺每一寸肌膚下面。血液係我哋身體不可或缺嘅一部分，幫我哋身體運送養分，同時移除各類廢物。千祈唔好小睇每一滴血，因為一滴血都足以睇清你身體出現咩毛病！

當身體某個器官、組織或者全身患上疾病，血液檢查可以通過檢測血液成分、細胞情況等，對疾病作大概了解，判斷疾病程度，甚至喺疾病未出現症狀之前就發現異常。下面呢啲疾病都可以透過血液檢查發現：

1. 感染性疾病

正常情況下血液中唔會有細菌。當身體受細菌感染嗰陣，細菌會喺血液中大量繁殖，出現菌血症甚至敗血病，仲會出現持續高熱、寒顫等。呢個時候通過抽血同細菌培養，就可以培養出致病微生物，判別係邊種細菌。

2. 代謝性疾病

好多生活習慣不當會引起體內糖、脂質、蛋白質嘅代謝紊亂。通過血液中嘅血糖、甘油三酯、膽固醇同尿酸等指標，就能發現糖尿病、脂質異常、高尿酸血症等等疾病。

3. 內分泌疾病

下丘腦-腦垂體會刺激靶器官釋放多種激素進入血液，所以通過抽血就可以檢測到胰島素、甲狀腺素等激素嘅含量。一般情況下含量會處於標準範圍，如果過高或者過低，代表身體出現異常狀況。

4. 血液系統疾病

例如血液中嘅白細胞過高，可能係白血病、骨髓增殖性疾病或惡性腫瘤等；當體內白細胞惡性增殖時，會影響骨髓正常造血，產生大量白血病細胞。血液中嘅紅細胞、血紅蛋白過低下就可能係各種病理性貧血。

5. 腫瘤疾病

唔同組織器官發生癌變嗰陣，腫瘤細胞都會釋放出一啲特有嘅生物性物質到血液入面，一般稱之為腫瘤標誌物。通過腫瘤標誌物篩查，就可以發現胃癌、肺癌、肝癌、乳腺癌等腫瘤嘅早期病變。雖然有啲指標敏感性同特異性唔高，但都可以為初步篩查提供幫助。

6. 肝腎疾病

通過肌酸酐、尿素氮呢啲腎臟代謝物嘅異常可以發現腎小球濾過功能等問題，從而進一步檢查並診斷出各種腎臟疾病；當肝臟出現損傷，肝細胞被破壞，釋放出轉氨酶。檢測血液中轉氨酶嘅含量都可以協助發現肝臟疾病。

7. 風濕免疫疾病

當出現系統性紅斑狼瘡、類風濕關節炎等等風濕免疫系統疾病嗰陣，可以通過自身抗體、補體、細胞因子檢查等指標發現異常，有助於診斷、治療同埋預後評估。

我哋嘅血液中包含無數種成份同影響因子，可以反映身體各器官同組織嘅健康情況，上述都只係其中一部份。只需要一滴血，就可以得知身體有冇患有疾病，你今年驗咗血未？

來源：綜合報導

#NH醫療趣談

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#糖尿病 #血壓 #免疫疾病 #肝臟疾病 #腫瘤 #cancer #腫瘤標誌物 ##尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

Quick-Start身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG