點解生白髮？

中西醫為你解構成因！

有人20幾歲就滿頭白髮，有人50幾歲頭髮仍然烏黑濃密，到底白髮係咪淨係同年齡有關？應該點樣防白髮？

頭髮嘅顏色係由頭皮毛囊入面嘅黑色素細胞決定。黑色素細胞會將「酪胺酸」氧化合成多巴，再轉換成黑色素。當毛囊入面嘅黑色素細胞退化，就會失去功能，無法再產生黑色素，就會出現白髮。

另外，如果有白化病，或者因為基因變異，頭髮、皮膚同眼睛顏色都會變成白色。有啲人就因為患上白蝕，即係免疫力系統失調，喺年輕嘅時候已經出現白髮同白眉等情況。而常見嘅壓力增加都會導致皮質醇偏高，身體會提早衰老，容易出現白髮。

咁點樣增加黑色素細胞呢？其實目前冇科學有效嘅方法去增加黑色素細胞。大部分白髮問題都屬於家族遺傳，同身體狀態冇太大關係。因此，好多廣告標榜食高濃度黑芝麻、黑木耳或者何首烏等等，都唔可能將已經退化嘅毛囊黑色素細胞重新製造黑色素！

而喺中醫角度就完全唔同。中醫認為「血盛則髮潤，血衰則髮衰」。黃帝內經提及『腎者……其華在髮』及『肝藏血』等，意思係腎嘅盛衰可以由頭髮反映出來。

唔同部位出現白髮可以反映身體各內臟問題，例如兩側白髮多係因為肝火旺盛；前額白髮多係因為脾胃失調；頭頂白髮多就因為腎氣不足等等。換言之，進行「補肝」、「補脾胃」、「補腎」等等中醫療程，就有可能將頭髮由白轉黑！

雖然中西醫對白髮嘅理解唔同，但對白髮嘅預防方法就相當一致！想要預防白髮，要做到以下四點：

1. 早睡早起，最好晚上11點前入睡
2. 戒食刺激同唔健康食物，小心預防肥胖
3. 做運動減壓，保持開朗心境
4. 戒煙，減少對肺部同身體嘅影響

來源：綜合報導

#NH健康Tips

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#白髮 #黑髮 #植髮 #頭髮 #禿頭 #黑色素 #脫髮 #中醫 #西醫 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

Quick-Start身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG