單日新增24宗！

香港爆發第三波疫情？

今日(7月8日)香港新增24宗新冠肺炎確診個案，當中包括5宗外地輸入個案，19宗本地感染個案，當中有4宗本地個案源頭不明。繼尋日(7月7日)新增9宗本地確診個案之後，新確診個案呈倍數增長！呢個係咪意味香港爆發第三波疫情？

今日嘅新增本地個案年齡介乎31歲至92歲，當中涉及多個群組，包括有一家三口先後染疫、一間茶餐廳嘅食客先後染疫等等。當中甚至有兩位的士司機先後確診，未知涉及幾多乘客！

然而最值得關注嘅係4宗源頭不明嘅本地個案，分別涉及荃灣區同港島區，意味好有可能有社區隱形感染者，本地爆發嘅風險大大增加！

香港已經連續幾個禮拜冇本地新增個案，點解會突然出現本地社區感染呢？政府分析主要原因係因為疫情放緩，好多確診者都曾經外出遊玩、見朋友或者行街，而疫情爆發同社交活動息息相關，因為一旦有隱形感染個案，喺同親友見面嘅過程就好容易造成傳播。

不過，衛生防護中心傳染病處主任張竹君就話呢種情況可以理解，因為政府已經連續幾個月推行好多社交限制措施，好多市民「被撳得太耐」，因此出現「報復性社交活動」。所以，政府需要喺防疫限制同市民正常生活當中取得一定平衡。

隨住呢兩日嘅小規模本地爆發，政府研究緊推行嘅粵港澳「健康碼」系統好大可能會延遲。同時，政府都考慮緊會唔會出台其他防疫措施，以減低本地社區大爆發嘅風險。

相信喺疫苗面世之前，我哋需要同新冠病毒打一場「持久戰」。我哋會為大家持續關注疫情發展！

來源：綜合報導

#NH新型肺炎

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#新冠肺炎 #新館病毒 #COVID19 #香港 #hongkong #疫情 #本地感染 #本地 #爆發 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

Quick-Start身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG