新冠肺炎後遺症 -

譫妄症

新冠肺炎疫情繼續席捲全球，已經造成全球超過1,200萬人感染，55萬人死亡，死亡率大概4.6%。各國好多感染者完成咗治療過程之後，接住落嚟嘅係漫長嘅身心恢復過程。好多感染者就算好翻都有可能會出現各種後遺症，其中一個經常俾人忽略嘅後遺症就係 – 譫妄症。

譫妄症(Delirium)係一種腦部併發症，患者會出現精神錯亂，感到好大情緒壓力同精神壓力，仲可能會無法理解其他人係嘗試幫助佢哋，甚至會對醫護人員同親友發怒同出現敵意，同思覺失調相似。

英國倫敦大學學院精神病學研究所最新研究就顯示，佢哋收集咗超過40個新冠肺炎患者嘅病情數據，當中有12個患者出現中樞神經系統發炎、10個患者出現譫妄症或思覺失調、8個患者出現中風，仲有8個患者出現主要為吉巴氏綜合症(Guillain-Barré syndrome)嘅神經損傷！

而喺需要呼吸機器嘅重症監護病人當中，有多達四分之三會出現譫妄症！根據英國好多醫生嘅觀察，重症病者譫妄症特別嚴重，幻覺仲會非比尋常咁真實生動！

其中一啲患者會覺得醫護人員策劃緊一啲陰謀，認為佢哋係為咗賺錢而要賣咗佢哋身上嘅血同器官，甚至會仇視、攻擊醫護人員、嘗試逃跑等等。如果缺乏足夠嘅照料同治療，可能會造成永久嘅認知缺陷，影響佢哋日後嘅工作同日常生活能力。

喺有效嘅疫苗面世之前，新冠肺炎疫情似乎都仲會繼續影響全球。不過，就算再冇新增感染者，新冠肺炎康復者嘅康復之路都仲相當漫長。我哋喺每日關注全球新增病例嘅同時，不妨都多關心呢啲喺「鬼門關」出嚟嘅康復者嘅康復之路～

來源：綜合報導

#NH新型肺炎

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#新冠肺炎 #新冠病毒 #英國 #virus #器官 #譫妄症 #delirium #思覺失調 #精神病 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

Quick-Start身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG