可怕嘅「廣東瘤」 -

鼻咽癌

你可能唔識鼻咽癌，但鼻咽癌可能會走嚟認識你！佢係香港男性第6位常見癌症、女性第16位常見癌症，每年有大概1,000宗新增個案，死亡人數佔癌症死亡總數大概2.1%。鼻咽癌並唔係最常見嘅癌症，不過佢最得人驚在於其隱蔽性，導致難以防範！以下我哋盤點鼻咽癌嘅五個冷知識，大家又知道幾多呢？

1/ 廣東省人士最高發！

廣東沿岸地區(包括香港)嘅鼻咽癌發病率高出世界其他地方25倍！所以鼻咽癌嘅其中一個暱稱就係「廣東瘤」。

點解會咁？一般認為係廣東人最愛嘅「鹹魚」等醃製食物導致。醃製食物含有大量化學品，喺體內長期累積會增加患上鼻咽癌嘅機會。因此，鹹魚等醃製食物記得食少啲！

2/ 男比女風險更高！

喺香港，鼻咽癌嘅男女比例係2.9:1，男性發病風險高出女性數倍！點解會咁呢？目前醫學上就仲未搵到可能成因。如果你係男性，記得多啲檢查鼻咽健康啦！

3/ EB病毒係主因！

絕大多數鼻咽癌細胞都帶有EB病毒，而世界上大部分人都曾經被EB病毒感染，特別係少年及兒童。EB病毒本身並唔會導致鼻咽癌，不過基因因素就可以影響人體對EB病毒嘅反應。所以，其中一個鼻咽癌嘅檢測方法就係檢測體內EB病毒嘅含量。

4/ 早期發現嘅治癒率高達90%！

喺香港，鼻咽癌會分為8個分期，醫生會就癌細胞嘅擴散情況進行評估，診斷病人屬於邊個分期。一般嚟講，早期鼻咽癌(第1-2期)嘅治癒率高達90%！隨住癌細胞擴散情況越嚴重，治癒率就越低。因此，鼻咽癌其實並唔恐怖，最重要係提早檢測！

5/ 同一般鼻炎容易混淆！

鼻痛、鼻塞等等常見鼻炎症狀，都係鼻咽癌嘅徵狀之一！由於呢啲症狀相當常見，經常讓令人錯過診斷鼻咽癌嘅最佳時機。除了以上呢啲徵狀，如果出現以下呢啲徵狀就要特別小心！

包括：經常耳鳴、耳痛、頸部淋巴結漲大、視力視物可能出現重影、伴有臉部麻痺、頭頂疼痛。

我哋嘅「卓越身體檢查計劃」，除咗全面檢測各種身體健康指標，仲包括EB病毒抗體酵素試驗，助你檢測鼻咽癌風險！依家仲做緊疫情優惠！

即刻預約檢測，了解鼻咽癌風險啦！

來源：綜合報導

#NH恐怖醫療

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#鼻咽癌 #EB病毒 #卓越身體檢查 #疫情優惠 #廣東瘤 #鹹魚 #冷知識 #癌細胞 #定期檢查 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

卓越身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG