解讀骨質疏鬆 -

你嘅骨量好唔好？

骨骼係身體最重要嘅一部分，每日都支撐住我哋嘅身體。睇落好似好硬淨，其實佢哋每日都變化緊！骨骼喺後生嗰陣處於生長期，骨質密度會不斷增加。過咗35歲，造骨細胞就會開始減退，成個造骨過程會變得越來越慢，骨質流失嘅速度變得比形成骨骼嘅速度快，導致骨質密度下降，骨骼亦會變得脆弱，而呢個就係我哋今日要介紹嘅疾病 - 骨質疏鬆症(Osteoporosis)。

.

骨質疏鬆症係屬於骨骼新陳代謝嘅慢性病症，喺香港相當常見！根據統計，香港有超過45萬個婦女及10萬個男士患有呢種疾病！呢種病喺女性較為常見，係因為女性喺更年期後，雌激素減少，導致骨骼嘅鈣質加速流失，以致骨質更單薄。

.

有啲人就算老咗都依然健步如飛，但有啲人就中年已經步伐蹣跚，其中一個主要原因就係受骨骼疏鬆症影響！骨質疏鬆症會導致手腕、髖骨等位置容易骨折；如果骰骨頸骨折，更加會導致行動不便，需要其他人照顧；好多人更會因此而導致駝背，除咗影響外觀，仲可能會妨礙肺部擴張，加速肺功能衰退！

.

而最恐怖嘅係，初期嘅骨質疏鬆症可以話係毫無徵狀可言！骨質會每日持續流失，直到有一日可能因為輕微嘅碰撞或跌倒而骨折，好多人直到嗰陣先驚覺原嚟已經患上骨質疏鬆症，可能已經難以恢復健康骨骼！

.

因此，定期嘅骨質密度檢查相當重要！一般可以透過三種方法嚟檢測骨骼嘅健康情況。第一種係透過驗血，檢測血液中嘅某啲成分，例如鈣、磷等等，呢啲成分嘅含量可以有助反映骨骼係咪健康。第二種就係透過超聲波檢測，分析骨質密度，不過呢種方法有技術限制，一般較少使用。

.

而第三種，亦係最有效嘅一種，就係雙能量X光吸收測量儀(DEXA)。DEXA係目前最為醫學界認可嘅檢查方法，係公認最能夠診斷骨質疏鬆症。透過早期嘅檢測，就可以有效發現骨質疏鬆情況，再進行針對性嘅改善措施，防範於未然。

.

如果你或你嘅屋企人已經超過35歲，特別係已經過咗更年期嘅女士，或者有長期吸煙、酗酒等壞生活習慣，更加應定期檢查骨質密度！

.

骨骼係陪伴我哋一生嘅重要支柱，如果希望老年都仲行得走得，甚至健步如飛，就要快啲做檢測啦～

.

來源：綜合報導

.

#NH中年健康

#NH老人健康

.

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

.

#骨質疏鬆 #Osteoporosis #鈣 #慢性疾病 #骨骼 #DEXA #更年期 #骨折 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

卓越身體檢查計劃	新冠肺炎針對性身體檢查	(最新版)新型冠狀病毒(2019-nCoV)快速測試劑盒IgM&IgG