唔小心俾蚊咬？

小心傳染病！

今年7月係有紀錄以嚟最炎熱嘅月份，更加出現連續467小時酷熱天氣警告！而炎熱天氣正正係蚊嘅活躍季節。喺酷熱天氣下，除咗要慎防中暑，同時都要小心防蚊，特別係呢三個透過蚊叮傳播嘅傳染病：登革熱、日本腦炎同寨卡病毒。

登革熱係最常見嘅蚊蟲傳染病之一，病媒係白紋伊蚊。呢個病可以分為四種血清類別，患者感染任何一種類型後，病情輕微嘅話可以毫無病徵，嚴重嘅話就會出現發燒、頭痛、淋巴腫脹等等病徵。雖然死亡率就唔高，但係如果不幸感染多於一種類型，就好大機會會演變成「重症登革熱」，可能會有出血、肝腫大或腦膜炎等等嚴重問題！

日本腦炎喺香港相對少見，病媒係庫蚊，常見於稻田、豬場等等地方。日本腦炎對兒童嘅影響特別深遠，感染後會有發高燒同神志不清等徵狀，死亡率高達30%！就算康復，都有機會對腦部造成永久損傷，例如腦癇症等等。好彩日本腦炎可以防患於未然，建議兩個月以上嘅小童接種預防日本腦炎嘅疫苗。

寨卡病毒喺近呢幾年越嚟越常聽到，主要病媒係埃及伊蚊，喺香港並唔常見。寨卡病毒可能會令病人出現發燒、關節同肌肉疼痛等徵狀。夫妻更加要小心！因為病毒有機會生存喺精液當中，一旦有病毒嘅精子同卵子結合孕育成胎兒，嬰兒有機會會患「小頭症」，影響神經同免疫系統，甚至有吉巴氏綜合症，影響好深遠！

除咗日本腦炎疫苗之外，最直接有效預防以上三種傳染病嘅方法就係預防俾蚊叮咬。市面上有林林種種嘅防蚊產品，應該點揀呢？

大家喺選購防蚊產品嗰陣，建議選用含有避蚊胺(DEET)成分嘅驅蚊產品，因為避蚊胺可以影響蚊嘅口部同觸覺，會自然遠離有避蚊胺嘅地方，不過唔建議俾6個月以下嘅嬰兒使用。另外，含有檸檬桉樹(lemon eucalyptus)成分嘅精油都可以防蚊，適合任何年齡人士使用。

來源：綜合報導

#NH都市健康

======================
一站式醫療服務平台

＊www.hknhc.com
＊電話：(+852) 3594 5758 / 5726 0962
＊Whatsapp：(+852) 5726 0962
＊微信Wechat：NobleHealthHK

＊電郵：info@hknhc.com
======================

#蚊子 #白紋伊紋 #登革熱 #日本腦炎 #寨卡病毒 #傳染病 #旅遊 #免疫系統 #尊健 #noblehealth #健康 #health #medical #醫療資訊 #醫療新聞 #恐怖醫學 #身體檢查 #基因 #疫苗 #HPV #醫生 #奇難雜症 #免費諮詢預約 #likeforlikes #likeforfollow #likeforlikeback #instalike

相關計劃

卓越身體檢查計劃	新冠肺炎針對性身體檢查	寨卡病毒基因檢測